Pamje dramatike tregonin sot zjarrfikësit që luftonin për dytën ditë radhazi me një zjarr gjigand në fabrikën e kimikateve Chemtool në qytezën e Rockton, në shtetin amerikan të Illinois. Zjarri i nisur mëngjesin e djeshëm ka shkaktuar evakuime të shumta nga zonat rrethuese. Shërbimet e emergjencës po monitorojnë rrjedhje të mundshme kimikatesh në lumin Rock që kalon pranë impjantit ndustrial, teksa zyrtarët thonë se përbërës të rrezikshëm të fabrikës si plumb, azot e acide sulfurike shtojnë forcën e flakëve, prandaj shuarja me ujë nuk është një opsion. Familjet që jetojnë në zonë thanë se dëgjuan shpërthime. Kreu i zjarrfikësave Kirk Wilson tha se punonjësit kanë nisur hapjen e hendeqeve rreth impjantit në flakë për të ndaluar zgjerimin e hapësirës në flakë si dhe rrjedhjen e mundshme të kimikateve në lumin Rock. Shkumë industriale po përdoret gjithashtu për shuajren e flakëve por flakët ende nuk janë vënë nën kontroll.