Grupe zjarrfikësish nxitojnë të shuajnë flakët pasi mortaja goditi një zonë në periferi të kryeqytetit Kiev. Zhvillimi vjen teksa ushtria ruse po i afrohet gjithnjë e më shumë kryeqytetit që pritet të sulmojnë rreth dy javë pas nisjes së sulmit. Prej dy ditësh Ukraina ka njoftuar forcat e armatosura ruse po përgatiten për marrjen e kryeqytetit. Kievi, qyteti më i populluar në Ukrainë, raportohet se ka qenë relativisht i qetë ditët e fundit. Në shënjestër të artilerisë ruse ishte periferia e kryeqytetit. Në fillim të kësaj jave, kryetari i bashkisë së Kievit, Vitali Klitschko, u bëri thirrje qytetarëve të qëndrojnë brenda ose në strehime ndërsa qyteti intensifikon masat mbrojtëse. "Jemi duke shpërndarë ndihma midis popullatës më të rrezikuar dhe po depozitojmë ushqime, artiku themelore dhe ilaçe", tha Klitschko. Lufta e Rusisë kundër Ukrainës provokoi reagime të ashpra ndërkombëtare dhe çoi në sanksione te renda financiare kundër Moskës.