Policia në Paris hapi zjarr e qëlloi për vdekje dy persona ndërsa një i tretë u plagos, pasi makina në të cilën ndodheshin refuzoi të ndalonte në postbllok të forcave të rendit por i dha gaz drejt efektiëveve, në mesin e protestave që përfshin kryeqytetin francez pas rizgjedhjes së Emmanuel Macron në krye të Elizesë. Incidenti ndodhi në Pont Neuf, në qendër të Parisit, pak pas rikonfimirmit të Macron në krye të shtetit. “Një makinë iu drejtua forcave të policisë dhe refuzoi të ndalonte. Njëri nga efektivët hapi zjarr duke vrarë dy persina” thanë burime pranë hetimit. E plagosura është një grua, e cila u godit në krah teksa ndodhej në pjesën e pasme të automjetit tip Volksëagen Polo.Në Paris, protestuesit u përleshën me policinë pas shpalljes së rezultatit të zgjedhjeve presidenciale, që i dha 44 vjecarit Macron mundësinë historinë të lerë gjurmën e tij pasi u bë i pari president në detyrë në 2 dekada që konfirmon pozitën e vet. Por ndërsa premtoi bashkimin, Macron fitoi në një Francë më të përcarë se kurrë, e sa i madh ishte gëzimi i njërës palë për këtë fitore, po aq i thellë ishte dhe zhgënjimi në krahun tjetër.