Autorët e vrasjes makabre të 20 vjecares në Greqi në praninë e vajzës së saj 11 muajshe, kishin informacione se në banesën e ciftit do të ghenin 100 mijë euro. kjo duket ishte dhe arsyeja përse u piketua shtëpia e Caroline Crouch dhe të shoqit të saj, pilotit Charalambos Anagnostopoulos. Cifti përpara pak ditësh kishte shitur një tokë dhe duket se grabitësit kishin të dhëna mbi gjithcka rreth tyre, pervec faktit që paratë nuk ishin në shtëpi. Autorët në fund u larguan me 10 mijë euro dhe disa bizhuteri. Arrestimi i një 35-vjeçarit gjeorgjian një ditë më parë, ka shtuar shpresat se vrasja e Caroline do të zbardhet shumë shpejt. Mediat vendase thane se ai kishte tentuar të kalonte kufirin me një pasaportë të rreme. Thuhet se ky person lidhet me një tjetër vjedhje, në një banesë pranë asaj ku jetonte 20 vjecarja. Burime policore pohojnë se analizat e ADN-së tregojnë përfshirjen e individit në fjalë në grabitjen e shtëpisë së një cifti të moshuar në 7 mars, të cilët gjithashtu i kishin lidhur e kërcënuar.