Që prej kësaj të enjte kur data shënon 15 qershor dhe deri më 15 shtator, në rrugë nuk do të lejohet kalimi i të gjitha kategorive të mjeteve. Policia e Shtetit njofton se gjatë fundjavës dhe ditëve të festave, do të ketë kufizime për të gjitha kategoritë e mjeteve rrugore në qarkullim në kuadër të masave të ndërmarra për mbarëvajtjen e sezonit turistik 2023, si dhe për monitorimin e qarkullimit drejt zonave bregdetare dhe turistike. Policia thotë se me këtë vendim ka për qëllim krijimin e lehtësirave për lëvizjen e qytetarëve dhe të shtetasve të huaj që zgjedhin vendin tone. Me këtë vendim kufizohet lëvizja për mjetet e transportit të mallrave me peshë mbi 7500 kg, kamionët me gjaësi mbi 12 metra, mjetet rrugore bujqësore si dhe mjetet e autoshkollave Të gjitha këto mjete nuk do lejohen të qarkullojë në fundjavë dhe gjatë festave nga Pika e Kalimit të Muriqanit drejt Shkodrës dhe anasjelltas, në plazhin e Shirokës, në Velipojë, Lezhë, Shëngji, Patok dhe Anasjelltas. Po ashtu do ndalohet kalimi I tyre në autostradën Tiranë-Durrës, Durrës Gjiri i Lalzit, në Kavajë, Spille, Divjakë e Lushnje. Kufizime do ketë edhe në Lusnje-Fier dhe Fier-seman, Vlorë-Palasë-Dhërmi-Vuno-Himarë-Qeparo-Borsh-Bunec-Sarandë dhe anasjelltas. Po ashtu mjetet e tonazhit të rëndë nuk do të lejohen në aksin Sarndë- Butrint Elbasan-Pogradec”, “Elbasan-Rrogozhinë Qafë Thanë-Lin-Pogradec-Tushemisht Tepelenë-Gjirokastër-Kakavijë dhe anasjelltas. Kufizime do ketë edhe për të njëjtat mjete që lëvizin nga Pika kufitare e Morinës drejt Kukësit, Milotit, Durrësit e Lezhës dhe anasjelltas si dhe nga Qafë Morina drejt Barjam Currit.