Si nëna shtatzënë, fotoja e së cilës u bë virale pas bombardimit të maternitetit në Mariupol duke u kthyer në një prej imazheve më shokuese të luftës së Ukrainë, ashtu dhe foshnja e saj, vdiqën që të dyja. Pamja e gruas së re të përgjakur që transpotohej me barele, bëri xhiron e botës duke u kthyer në një dëshmi therëse të mizorive të luftës në Ukrainës. Ajo u sulmua pikërisht në vendin ku mendonte se do të ishte e sigurtë të sillte në jetë fëmijën e saj. Deri tani, ky konsiderohet si njëri nga momentet më brutale të konfliktit që tashmë ka hyrë në ditën e 19-të. Gruaja u dërgua me urgjencë në një spital tjetër, ku mjekët u përpoqën me të gjithë forcat t`i shpëtonin jetën. Por kur kuptoi se po e humbiste fëmijën e saj, ajo u dorëzua dhe i tha mjekëve se nuk donte të jetonte më.