Pasioni për shpejtësinë siç duket në këtë video të shpërndarë në rrjetet sociale i kushtoi rëndë një 21-vjecari nga fieri. Një automjet e ka përplasur të riun Klajdi Hatija, banues në fshatin Kallm i Madh, Fier teksa lëvizte me motor. Aksidenti ndodhi në aksin rrugor "Fier-Vajkan", rreth orës 13:25, kur një automjet i drejtuar nga shtetasi Manol Çepele ka përplasur motomjetin e drejtuar nga Klajdi Hatija.Si pasojë e përplasjes së fortë, 21-vjeçari ka pësuar dëmtime të rënda. Fillimisht, ai është dërguar në Spitalin Rajonal të Fierit, ku mjekët kanë bërë përpjekje për stabilizimin e tij. Për shkak të gjendjes së rënduar shëndetësore, i riu është transportuar për trajtim më të specializuar në Spitalin e Traumës në Tiranë. Pavarësisht përpjekjeve të stafit mjekësor, Hatija nuk ka mundur të mbijetojë dhe ka ndërruar jetë disa orë pas aksidentit. Drejtuesi i automjetit, shtetasi Manol Çepele, është shoqëruar në Komisariatin e Policisë për veprime të mëtejshme hetimore dhe për të sqaruar rrethanat e aksidentit.