Top Channel/ Varianti “monstër” vjen në Europë. Omicron zbulohet në Britani, Gjermani e Belgjikë

Kryeministri britanik Boris Johnson ka dalë këtë mbrëmje në një konferencë të rrallë shtypi për koronavirusin, çka demostron rrezikshmërinë dhe shqetësimin e autoriteteve britanike për shtamën e re të ardhur nga Afrika, e cila është quajtur Omicron. Ai tha se program i vaksinimit në Britani ka funksionuar, por të mërkurën tha se lajmi i shtamës së re Omicron, sipas shkencëtarëve britanik prek edhe ata që janë vaksinuar me dy doza. Johnson tha se nuk do të ndalohen udhëtimet por ndryshe nga tani, do kërkohet që çdo person që hyn në Britani të bëjë ditën e dytë tamponin PCR. Ndërkohë rregullat për mbajtjen e maskave në dyqane dhe transportin publik do të shtrëngohen.