Njëmbëdhjetë njerëz kanë vdekur dhe 20 janë të humbur pasi urragani ‘Agatha’ goditi dje shtetin meksikan të Oaxaca njoftoi guvernatori. Shirat e rëndë që solli Agatha shkaktuan rrëshkitje dheu dhe përmbytje në disa zona. Shumica e viktimave ishin marrë me vete nga ujërat e përmbytjeve ose varrosur nga rrëshkitjet e dheut. Urragani erdhi në brigjet meksikane pranë qytetit Puerto Ángel me erëra deri në 169km/h dhe më pas nisi të humbiste fuqi teksa zhvendosej në brendësi të tokës. Por shirat e ashpër shkaktuan përmbytje të lumenjve dhe rrëshkitje dheu. Guvernatori i Alejandro Murat tha se të paktën pesë viktima ishin marrë nga ujërat e lumenjve. Fshatrat malore ishin të goditura më rëndë, teksa zona e lartë e Santa Catarina de Xanaguía, kishte pësuar shkatërrime të mëdha, sipas autoriteteve. "Është ndërprerë energjia elektrike, rrugët janë dëmtuar dhe disa shtëpi janë shkatërruar”, tha guvernatori vendor Ramos. Qyteza e Santiago Xanica bënte apel për ndihmë teksa qytetarët kishin nevojë për ujë të pijshëm, rroba e ushqime.