Në një ditë simbolike të paqes për Europën si dhe njëherëz në datën historike të përfundimit të luftës së dytë botërore, u nda kjo gradë e lartë për personalitetin Moisiu që ushtroi detyrën e kreut të shtetit shqiptar gjatë viteve 2002-2007 me përkushtim dhe respekt ndaj ligjit. “Në momente të vështira të historisë sonë politike të tranzicionit të trazuar, ju keni ditur të mbani qëndrime të matura, duke vendosur në rradhë të parë interesat e qytetarëve. Një shembull i shtetarit që kontributi juaj të përjetësohet në historinë e vendit!” I vlerësuar me motivacionin për rolin e tij të pazëvëndësueshëm si faktor uniteti kombëtar, presidenti Moisiu shprehu mirënjohjen për dekorimin dhe ndau parimet e të qënurit një politikan I denjë për shoqërinë. “Mendoj se për të pasur sukses në detyrë, duhet të ketë përkushtim, pasion, ndershmëri dhe këmbngulje. E kam vlerësuar drejtësinë duke respektuar parimin se kur flet drejtësia, politika duhet të hesht. Interesat e vendit duhet të jenë primare se politika është një mision. Dhe sot ju bëj thirrje që duhet të jemi bashkë për interesat madhore të vendit tonë”.