Ndërkohë që kanë kaluar plot gjashtë muaj nga divorci i Kanye West me Kim Kardashian, fakte të reja nga ndarja e tyre kanë nisur të dalin në dritë. Reperi amerikan publikoi sëfundmi albumin e tij të shumëpritur “Donda” dhe në një prej këngëve, “Hurricane”, është aluduar se ai tregon për tradhëtinë ndaj ish-bashkëshortes pas lindjes së dy fëmijëve të parë. Sipas prestigjiozes “Page Six”, burimet konfirmuan se në tekst, Kanye rrëfen pabesinë ndaj yllit të reality show. “Kënga është njëfarë mënyre dëshmia e tij për gjithçka që ka bërë gabim dhe marrja e përgjegjësisë për përfundimin e martesës”, tha burimi. Së fundmi, “The Sun” ka shkruar se Kanye e ka tradhtuar Kim Kardashian me aktoren dhe këngëtaren e njohur Christina Milian. Por, në lidhje me këtë, “DailyMail” ka kontaktuar me ekipin e West dhe Milian për një koment lidhur me ngjarjen. Reperi reagoi për herë të parë duke u shprehur se ai ishte në një marrëdhënie me Christina, përpara se të njihej me Kardashian duke hedhur kështu poshtë të gjitha aludimet.