Një grup shtetasish turq dhe të afërmit e tyre, të cilët janë strehuar në një xhami në qytetin jugor të Ukrainës, Mariupol, po kërkojnë të evakuohen sa më shpejt teksa luftimet afrohen gjithmonë e më pranë tyre. Duke folur për të përditshmen Hürriyet në telefon lidhur me situatën, İsmail Hacıoğlu, kreu i shoqatës myslimane lokale, tha se ka 86 persona në qytetin e rrethuar e të bombarduar pa pushim prej forcave ruse, janë me sytë nga Ankaraja për t`i larguar prej andej. “Gati 30 nga këta njerëz janë në xhami, ndërsa të tjerët po presin pritur në shtëpi," tha Hacıoğlu. “Ata nuk janë të gjithë shtetas turq; grupi përfshin 34 fëmijë dhe bashkëshorte e të afërm të tjerë tw shtetasve turq”, shtoi ai. Hacıoğlu shpjegoi se xhamia e Sulltan Sulejmanit të Madhërishëm nuk është goditur drejtpërdrejtë, sic u raportua nga mediat e mëdha botërore në fundjavë. Shpërthimi sipas tij, ndodhi megjithatw shumë pranë godinës. Përleshjet midis forcave ukrainase dhe ruse tashmë po ndodhin vetëm 2 kilometra larg xhamisë. Hacıoğlu shpjegoi janë bërë katër përpjekje për të evakuuar turqit, por rusët nuk i kanë lejuar të kalojnë nëpër postblloqe. “Do të provojmë sërish për herë të pestë,” pohoi ai. Burime diplomatike rrëfyen për Daily Sabah se aktualisht, janë 250 shtetas turq të bllokuar në rajone të ndryshme të Ukrainës.