Qindra palestinezë shoqëronin sot trupin e gazetares së vrarë Shireen Abu Akleh nga ambulanca në selinë e agjencisë Al Jazeera në Ramallah, në Bregun Perëndimor. Gazetarja me origjinë palestineze e rrjetit të Katarit, Al Jazeera u qëllua sot për vdekje gjatë bastisjes së ushtrisë izraelite në një kamp palestinez. 51 vjeçarja ishte gjithashtu qytetare amerikane dhe po raportonte per sulmin e ushtrisë në qytetin e pushtuar të Jenin mengjesin e të mërkurës. Agjencia tha se gruaja është qëlluar në fytyrë nga një snajper i ushtrisë izraelite. Këto të fundit thanë se po hetojnë për mundësinë e goditjes së gazetares nga sulmues palestinas. Një tjetër gazetar palestinez Ali Al Samoudi, i cili punon për gazetën Al-Quds me bazë në Jeruzalem, u plagos por është në gjendje të stabilizuar, tha ministria palestineze e shëndetësisë. Rrjeti i lajmeve tha se gazetarja u qëllua në fytyrë nga forcat izraelite megjithse mbante veshur një jelek me mbishkrimin “Shtypi” dhe një helmetë në kokë.