Shtetet e Bashkuara dhe Irani duket se janë pranë arritjes së një marrëveshjeje të rëndësishme diplomatike që mund të zgjasë armëpushimin 60-ditor dhe të shmangë një përshkallëzim të ri të konfliktit në Lindjen e Mesme. Sipas një raporti të Axios, administrata e Presidentit të SHBA-së, Donald Trump, po negocion një draft-marrëveshje që parashikon rihapjen e Ngushticës së Hormuzit, lehtësimin e disa sanksioneve ndaj Iranit dhe nisjen e negociatave për kufizimin e programit bërthamor iranian.