Rreth 2,000 emigrantë tentuan të kalonin kufirin që ndan territorin spanjoll të Melilla nga pjesa tjetër e gadishullit në veri të Marokut. Kjo është tentativa e parë të kalimeve masive që prej përmirësimit të lidhjeve mes dy vendeve dy muaj më parë. Melilla e Ceuta, janë dy territoret afrikano-veriore nën jurisdiksionin e Spanjës dhe rrjedhimisht i vetmi kufi tokësor i Afrikës me BE, çka i kthen ato në një magnet për emigrantët. Në tentativën e fundit rreth 500 afrikanë arritën të kalojnë në anën tjetër të “zonës së kontrollit” pasi këputën gardhet me mjete prerëse. Maroku ka dislokuar një forcë të gjerë ushtarake për sprapsjen e sulmeve në kufi, të cilat veprojnë “në bashkëpunim me ushtrinë e Spanjës, thanë autoritetet. Në imazhet e publikuara në mediat spanjolle tregoheshin emigrantë të tejlodhur të shtrirë në rrugët e Melilla, disa prej të cilëve me duar të përgjakura dhe rroba të grisura. Spitali maroken Hassani në Nador pranë Melilla konfirmonte se "disa" oficerë policie gjithashtu ishin shtruar për trajtim.