Afganistani lindor u godit në orët e para të mëngjesit nga një tërmet i fuqishëm, me magnitudë 5.9 të shkallës Rihter. Mbi 280 persona kanë humbur jetën dhe rreth 600 të tjerë kanë mbetur të plagosur. Sipas agjencisë shtetërore të lajmeve Bakhtar, tërmeti me thellësi 10 kilometra, kishte epiqendrën në jugperëndim të qytetit të Khost, afër kufirit me Pakistanin. Lëkundjet sizmike u ndjenë në kryeqytetin e Afganistanit Kabul dhe në kryeqytetin e Pakistanit Islamabad.