Top Channel/ “Te Lulëkuqe mbi mure, Kadri Roshi u rrëzua 9 herë”, pengu i djalit: S’është respektuar
08/01/2026 20:28

Kliti Roshi - Kolosë të tillë kanë vetëm një datë, atë të lindjes. Vetëm se në momentin që mora gotën për ta uruar, trokiti dera dhe ai shkoi ta hapë… Kadri Roshi dhe të tjerët do të mbeten të gjallë. Kështu ishte për Kliti Roshin 102-vjetori i babait të tij, kolosit të filmit dhe teatrit shqiptar. Ndonëse Kadri Roshi mungon fizikisht, për Klitin ai jeton përmes artit që ka lënë pas. “Nderi i Kombit” i dha jetë qindra roleve, por djali i tij tregon se dy karaktere ishin të preferuarit e Kadri Roshit, me të cilat identifikohej. Kliti Roshi - Kishte Arturo Ui në teatër, që iu vodh në mënyrën më të paskrupullt dhe që sikurse kanë thënë kolegët e tij ishte një shkollë dhe plakun Mere te ‘Njeriu me top’. Dy role që i dashuroi deri në fund. Duke ndjekur me këmbëngulje të atin drejt skenës, shumë shpejt nisi edhe rrugëtimi i Klitit drejt aktrimit, kur regjisori Viktor Gjika e përfshiu si figurant te “I teti në bronz”. Kliti Roshi - I thotë Kadriut ma sill këtu. Dhe më veshën, tha Viktori më mirë se sa të marr një fshatar që nuk do t’ia dijë vlerën. Aty u hodh hapi i parë, ishte aksidentalisht. Kadri Roshi nuk donte, duke ditur të gjitha peripecitë që heq një artist. Por unë e gjëmoja jashtë mase, ai nuk më merrte, po unë i shkoja nga pas. Kliti Roshi - Dy herë më ka parë në skenë, ishte njeri që nuk bënte kompromis kurrë. Nuk e kishte për gjë të të thoshte ‘je kot fare’, edhe ta argumentonte. Por, sipas Klitit, kontributi i Kadri Roshit dhe i aktorëve të tjerë të brezit të tij për kulturën dhe artin shqiptar nuk është vlerësuar sa duhet! Kliti Roshi - Janë poshtëruar, jo respektuar. Në sa institucione kulturore, në sa kinema, në sa shkolla i shohim emrat e tyre. Dikur morën emrin e Kadri Roshit, Albert Mingës dhe Jakov Xoxës dhe i çuan te psikiatria. I hoqën nga atje dhe Kadri Roshin e kanë çuar në Yzberisht, ç’punë ka ai atje. Titujt që kanë marrë, i kanë merituar. A e dini ju që te ‘Lulëkuqe mbi mure’ Kadri Roshi është rrëzuar 9 herë nga shkallët, krahu I tij u mavijos vërtet. Në intervistën për Top Channel, aktori shprehu zemërim edhe për deklaratën e pak ditëve më parë të gazetarit Hamdi Jupe që tha se teksa ndodhej në spital ditët e fundit të jetës, Roshi i kërkoi kryetarit te Kuvendit Servet Pëllumbi t’i ndihmonte ekonomikisht gruan. Kliti Roshi - Si mundesh të ngrihesh dhe të bësh një denigrim të tillë të shëmtuar me gënjeshtra. Kryemistri i asaj kohe, Fatos Nano, e ka pasur idhull Kadriun. Nuk ia zgjidhte dot ai? Duke ditur se kush ishin për njëri-tjetrin. Plus ka pasur pension të mirë në atë kohë. Prit se nuk kisha vdekur unë, ishte motra ime, e kishim detyrim njerëzor! Duke u ndalur më tej te teatri shqiptar sot, aktori vlerëson se duhet një analizë më e plotë përmbajtësore e vperave që vihen në skenë. Kliti Roshi - Synohet shumë drejt veprave të huaja dhe veprave disi të panjohura. Sepse po të vesh ‘Fytyra e dytë’, ‘Zonja nga qyteti’ unë e njoh shumë mirë, ndërsa me ato pjesë që nuk njihen, duke mos i bërë edhe një analizë të thellë, ti vendos vetëm tekstin dhe kaq. Ndërsa aktorët e rinj i këshillon, me një shprehje të babait të tij, që i dha shpirt pelikulës shqiptare Kliti Roshi - Moto e këtyre të rinjve është bërë dembelizmi. Mundohen të luajnë, jo të veprojnë, në skenë duhet të veprosh, ka veprime logjike. ‘Artist pa punë dhe pa kulturë, nuk bëhesh’, thoshte Kadri Roshi.

Top Channel/ Bienalja e Grafikës në Tiranë, Hajdari premton se Galeria e Artit s’do të mbyllet
20/11 19:58
Top Channel/ Ekspozohen thesaret e monarkisë shqiptare nga koleksioni i Artan Lames
18/11 15:31
Top Channel/Ekspozitë për Gjirokastrën/Skulptori Mumtaz Dhrami mbledh artdashësit në qytetin e gurtë
16/11 12:28
Top Channel/ Korça nuk heq dorë nga libri/ Më shumë se 3 mijë e 600 të regjistruar në Bibliotekë
15/11 12:24
Top Channel/ “Miq për kokë” zbavit Fierin. Tri net me humor në teatrin “Bylis”
14/11 15:30
Top Channel/ “Zhdukja e çmimit Nobel”, Namik Dokles, roman për viktimat e luftës
13/11 19:58
Top Channel/ Konkursi “Tish Daija”, 28 vepra fituese në skenë. Shpallen 23 kompozitorë fitues
11/11 15:49
Top Channel/ Kultura, fondet nuk ndahen njësoj. Bashkitë e vogla mbeten “thatë”
09/11 23:45
Top Channel/ Gjirokastra vishet me qilima/ “Qilim Fest” rikthen mjeshtërinë dhe traditën e tezgjahut
08/11 12:27
Top Channel/ Vjeshta kthehet në art në Kelmend! Piktorët sjellin në telajo magjinë e Vermoshit
07/11 19:56
Top Channel/ Komunizmi fshiu trashëgiminë, mbi 2 mijë objekte kulti u zhdukën
07/11 15:33
Top Channel/ “Luleborë” ndez skenën shkodrane, 16 këngë të reja në festival
07/11 15:28
Top Channel /Rikthehet filozofia e Luzajt, pas dhjetë vitesh studim botohen katër vepra
03/11 19:58
Top News – Shtyhet Panairi i 29-të i Librit/ Shkak protestat në kryeqytet, do të mbahet në dhjetor
03/11 19:04
Top Channel / Portreti i veçantë i gruas shqiptare. Abazi përdori 4 mijë metra fije, 13 mijë thumba
01/11 19:59
Top Channel/ “Shtëpia”, premierë në Vlorë/ Komedia rikthen në skenë aktoren Vefi Redhi
01/11 15:14
Top Channel/ “Ditët e Mios” në Korçë/ Artisë nga e gjithë bota e shndërruan qytetin në qendër arti
01/11 12:27
Top Channel/ Gati fondi për artin, për çfarë do përdoren 10% e kursimeve nga tenderët
29/10 20:04
Top Channel/ Publicisti Nano flet për romanin e ri “Odeja e gëzimit”: BE po na e japin si dhuratë
28/10 20:04
Top Channel/ Muzika klasike në Lezhë, Pianoja dhe flauti bëjnë bashkë artdashësit
28/10 12:56