Forcat amerikane shpenzuan rreth 800 milionë dollarë, ose afërsisht 0.1% të buxhetit të mbrojtjes së Shteteve të Bashkuara të Amerikës për vitin 2026, gjatë 24 orëve të para të ofensivës kundër Iranit, sipas vlerësimeve dhe të dhënave të përpiluara nga “Anadolu Agency”. Komanda Qendrore e SHBA-së konfirmoi se dislokimi masiv përfshinte bombarduesit stealth B-2, avionët luftarakë F-22, F-35 dhe F-16, avionët sulmues A-10, si dhe avionët për luftë elektronike EA-18G. Operacioni përdori gjithashtu dronë MQ-9 Reaper, aeroplanmbajtëse me energji bërthamore si dhe sistemet e mbrojtjes raketore Patriot dhe Katër bombardues B-2, që fluturuan pa ndalesë nga baza ajrore “Ëhiteman” në shtetin amerikan të Missourit, goditën objektiva duke përdorur municion 907 kilogramësh. Të njohur për kërkesa të larta mirëmbajtjeje dhe kapacitet ngarkese deri në 18 mijë e 143 kilogramë, operacionet vetëm me B-2 llogaritet të kenë kushtuar rreth 30.2 milionë dollarë, bazuar në orët e fluturimit, kostot e mirëmbajtjes dhe shpenzimet për municion. Zyrtarët e Komandës Qendrore të SHBA-së konfirmuan se sulmet ajrore të ndërmarra ndaj Iranit të shtunën përfshinë përdorimin e parë në luftim të dronit të ri autonom kamikaz. Droni luftarak pa pilot me kosto të ulët i quajtur “Lukas” u përdor si pjesë e Operacionit “Epic Fury”, i cili synoi objektet e komandës dhe kontrollit të Gardës Revolucionare Islamike.