Një 16 vjeçare nga fshati Sheqeras i Maliqit ka denoncuar se është abuzuar seksualisht nga shoku i babait të saj. Abuzimi i saj ka nisur kur ajo ishte 12 vjeç dhe ka zgjatur për 4 vite me radhë ndërsa vajza ka denoncuar vetëm tani rastin. Sipas të dhënave ajo ka identifikuar si abuzuesin e saj një 43 vjeçar nga fshati Barç shok i babait të saj, i cili vinte shpesh në shtëpinë e tyre ndërsa ka deklaruar se krahas abuzimit seksual vazhdimisht ai ushtronte presion psikologjik që e mitura të mos tregonte asgjë. E shoqëruar nga prindërit vajza ka denoncuar abuzuesin e saj të identifikuar si Edison Sheme duke treguar edhe në prezencën e psikologut se ai e detyronte të kryenin marrëdhënie seksuale sistematikisht në një magazinë në pronësi të tij që ndodhej në fshatin Sheqeras. Burime nga grupi hetimor thanë se pas denoncimit autori Edison Sheme i dyshuar për veprën penale “ Marrëdhënie seksuale ose homoseksuale me të mitur” është shpallur në kërkim, ndërsa po verifikohet nëse kamerat e sigurisë së magazinës ose të zonës përreth kanë pamje filmike.