Një shofer në Bartin të Turqisë shpëtoi për mrekulli nga zjarri që përfshiu makinën e tij në një pikë karburanti. Kamerat e sigurisë filmuan momentin kur personi shkon të furnizojë automjetin me gaz. Gjithcka në fillim duket mirë. Burri hyn në automjet dhe përpiqet ta ndezë. Por pas disa castesh, ndodh tmerri: makina përfshihet nga flakët ndërkohë që drejtuesi i sajë shtë ende brenda. Ai arrin të hapë derën e të dalë jashtë ndërkohë që mjeti është kthyer në një lëmsh të zjarrtë. Shpejtësia e veprimeve të tij duket e ka shpëtuar, pasi në momentin që del, duket që flakët nuk e kanë prekur dhe nuk ka asnjë lëndim. Konsiderohet ndërkohë fat i madh që ky episod nuk pati pasoja më të mëdha, duke pasur parasysh faktin që zjarri ndodhi në një pikë karburanti, punonjësit e së cilës reaguan menjëherë dhe arritën ta shuajnë zjarrin në kohë.