Shtetet e Bashkuara kanë rinisur sulmet ndaj Iranit me forcat amerikane që goditën dy rakethedhëse iraniane në ishullin Larak, në Ngushticën e Hormuzit, pas informacioneve se forcat e Gardës Revolucionare iraniane po përgatiteshin të vendosnin mina detare në rrugën e rëendësishme ujore. SHBA-ja e cilësoi sulmin si një veprim të kufizuar për të mbrojtur lundrimin dhe tregtinë ndërkombëtare. Sulmi shihet kryesisht si sinjal për Teheranin se Uashingtoni është i gatshëm të përdorë forcën për të penguar Iranin të kërcënojë transportin detar në Hormuz, dhe jo domosdoshmërisht si fillim i një faze të re të luftës. Ka qenë i menjëhershëm reagimi i Iranit që u zotua për hakmarrje dhe më pas deklaroi se kishte lëshuar raketa balistike ndaj dy bazave ku ndodhen forca amerikane në Jordani. Jordania tha se kishte interceptuar tetë raketa.