Tulsi Gabbard ka dhënë dorëheqje nga posti i drejtoreshës së Inteligjencës Kombëtare në administratën e Donald Trumpit, raportoi të premten “Fox News”. Sipas raportimit, Gabbard e ka njoftuar Trumpin për vendimin gjatë një takimi në Zyrën Ovale, ndërsa dorëheqja e saj do të hyjë në fuqi më 30 qershor. Një burim i paidentifikuar, i njohur me çështjen, i tha agjencisë “Reuters” se Gabbardi u detyrua të largohej nga posti. Në letrën e saj të dorëheqjes, Gabbard ka thënë se po largohet për arsye familjare. “Jam thellësisht mirënjohëse për besimin që keni treguar ndaj meje dhe për mundësinë që të udhëheq Zyrën e Drejtorit të Inteligjencës Kombëtare gjatë një viti e gjysmë të fundit”, shkroi ajo në letrën drejtuar Trumpit. “Fatkeqësisht, më duhet të jap dorëheqje, me efekt nga 30 qershori 2026. Bashkëshorti im, Abraham, së fundmi është diagnostikuar me një formë jashtëzakonisht të rrallë të kancerit të kockave”, shtoi Gabbard. Në fillim të prillit, Shtëpia e Bardhë kishte mohuar fuqishëm raportimet mediatike se Trumpit po shqyrtonte mundësinë e shkarkimit të Tulsi Gabbardit, duke i cilësuar ato si “lajme të rreme”. Vendimi i Gabard vjen pas shkarkimit të Prokurores së Përgjithshme Pam Bondi në muajin prill, shkarkimit të sekretares së sigurisë kombëtare Kristi Noem në muajin mars dhe dorëhqejens së zyrtarit të lartë të anti-terrorizmit, Zhozef Kent.