Në majë të një kodre të shenjtë në Lima, 12 shamanë vendosin gjethe koka në enë qeramike e më pas në zjarr për ritualin e neutralizmit të futbollistëve të Australisë. Kjo pasi kombëtarja e futbollit të Perusë ndeshet të hënën me kombëtaren e Australisë për një vend të lakmuar në kupën e botës Katar 2022. të veshur me rrobat tradicinale shumë ngjyrëshe, 12 shëruesit indigjenë nga xhunglat e Andeve i luten zotërve vendas tre ditë para ndeshjes deçizive në Doha. "Kemi performuar ritualin ndaj portierit australian kështu që ai është i penguar dhe porta e tij do të jetë e hapur ndaj golit”, thotë shaman Miguel de los Santos për rrjetin AFP. Gjithashtu një altar shumëngjyrësh është ngritur për lutjet në kodrën 30m të lartë, nga ku shihet qendra e kryeqytetit Lima. Kodra ka shërbyer si vend ceremonial që para ardhjes së konkuistadorëve spanjollë në shekullin e 16-të. "Kemi parë që kupa e botës sjell gëzim për popullin në Peru, prandaj po përpiqemi të ndihmojmë”, thotë shamani Valter Alarcón i cili drejton magjinë e lashtë që supozohet të eliminojë forcvt e armikut.