Disa qindra qytetarë serb u mblodhën në kryeqytetin Beograd për marshimin e njohur si 'Regjimenti i pavdekshëm', në kujtim të veteranëve të vrarë gjatë Luftës II Botërore. Marshimi u krye në ditën kur Rusia mbante paradën ushtarake që cuilësohet dhe si Dita e Fitores, kundër forcave naziste në Luftën e Dytë Botërore nga rusia. Shumë nga pankartat tregonin mbështetje për luftën e Rusisë në Ukrainë, me foto të prera të Vladimir Putin dhe simbolet ushtarake ruse "Z". Serbia aspiron të bashkohet në Bashkimin Evropian por është një aleate tradicionale e Rusisë dhe ka refuzuar sanksionet ndaj Moskës për pushtimin e Ukrainës. Shumë serbë e shohin me admirim Kremlinin ndërsa Putin e konsideron Serbinë si vendin e tij më të besueshëm në Evropë. Edhe më parë në Serbi janë mbajtur marshime pro-ruse në mbështetje të Moskës për sulmin në Ukrainë. Marshimi përfundoi në “Varrezat e Çlirimtarëve” ku u vendosën kurora përfaqësues të Rusisë, Bjellorusisë, Kazakistanit, Azerbaixhanit dhe Serbisë. "Njerëzit duhet të kujtojnë, sepse është e lehtë për të harruar atë që ndodhi në Luftën II Botërore, prandaj kemi një situatë të tillë në Ukrainë”, tha për AFP, 31 vjeçarja vendase Marija Devric.