Top Channel/ ‘Rusia përdori armëpushimin për tu riarmatuar’. Britania e Madhe paralajmëron Ukrainën

Armëpushimi i propozuar nga Rusia në qytetin ukrainas të Mariupolit ishte ndoshta thjesht një justifikim që agresori të rivendoste forcat për një ofensivë të rinovuar, kështu paralajmëron Britania e Madhe. “Duke akuzuar Ukrainën për thyerjen e marrëveshjes, Rusia ka të ngjarë të kërkojë të zhvendosë përgjegjësinë për viktimat aktuale dhe të ardhshme në qytet”, tha ministria britanike e mbrojtjes . Rusia tha më herët se kishte hapur korridore humanitare pranë qyteteve të rrethuara të Mariupol dhe Volnovakha, por Ukrainasit thanë se ata u detyruan ta pezullonin operacionin pasi forcat ruse i sulmonin vazhdimisht. Ukraina ka hyrë tashmë në ditën e 10-të të luftimeve dhe rezistencës ndaj agresionit rus. Raundi i tretë i bisedimeve për paqe mes dy delegacioneve pritet të zhvillohet ditën e hënë. Lajmi është bërë me dije nga agjencia ruse e lajmeve Interfax. Mësohet se delegacionet do të takohen përsëri në Brest të Bjellorusisë.