Top Channel/Rusët pranë Kievit, gjëmojnë sirenat e bombardimeve:SHBA nis raketat Patriot në Poloni!

Trupat ruse po i afrohen edhe më shumë Kievit; në kryeqytetin ukrainas gjëmuan sirenat e alarmit nga bombat ndërsa përmes rrjetit Telegram njerëzit janë njoftuar t`i drejtohen vendstrehimeve. Pamjet satelitore tregojnë autokolonën 80 km të gjatë të tankeve dhe mjeteve të tjera ushtarake t`i afrohet nga veriu të kryeqytetit ukrainas. 24 orët e fundit, ajo ka avancuar me 5 km, është shpërndarë në terrenet e pyllëzuara për t`u rigrupuar sërish më pas, duke vendosur artilerinë në pozicion sulmi. Zyrtarë të lartë britanikë thonë se ndonëse përparojnë ngadalë, rusët mund të jenë duke përgatitur një sulm të ri mbi kryeqytetin Kiev. Problemet logjistike i kanë penguar, por avancimi rus vazhdon, ashtu si dhe rezistenca e fortë ukrainase, thonë ata.