Sekretari amerikan i Shtetit Marco Rubio pritet të zhvillojë këtë javë një vizitë zyrtare në Vatikan dhe në Itali, raportojnë mediat italiane. Sipas gazetave La Repubblica dhe Corriere della Sera, Rubio do të zhvillojë takime diplomatike në Romë, në një moment delikat për marrëdhëniet mes Uashingtonit dhe Selisë së Shenjtë. Vizita vjen disa javë pasi presidenti Donald Trump shkaktoi reagime të forta duke sulmuar në rrjetet sociale Papa Papa Leonit te 14. Raportimet nuk konfirmojnë nëse Rubio do të takohet personalisht me Papën, por pritet që ai të zhvillojë një takim me Pietro Parolin, zyrtari kryesor diplomatik i Vatikanit. Ky do të jetë një tjetër kontakt mes zyrtarëve amerikanë dhe Papës Leoni I 14, i cili më herët është takuar me Rubion dhe zëvendëspresidentin JD Vance gjatë meshës inaugurale në Sheshin e Shën Pjetrit në vitin 2025. Në javët e fundit, Papa Leon I 14 ka rritur profilin e tij ndërkombëtar duke kritikuar luftën e udhëhequr nga SHBA dhe Izraeli ndaj Iranit, si dhe politikat e ashpra të emigracionit të administratës Trump. Këto qëndrime kanë sjellë përplasje të hapura me presidentin amerikan, i cili e ka sulmuar publikisht Papën në rrjetet sociale. Vizita e Rubios shihet si një përpjekje për të mbajtur të hapura kanalet diplomatike mes SHBA-së dhe Vatikanit, në një kohë tensionesh politike dhe fetare.