Sambadromi i Rio de Janeiro u mbush përsëri me ngjyrat dhe tingujt e karnavaleve më të famshmë në botë, pas dy vjet ndërprerjeje pwr shkak tw pandemisw. Kryebashkiaku i Rio de Janeiro dha lejen për eventin madhor me disa kufizime për festat e rrugëve. “Bashkia nuk do të ndalojë njerëzit në vende publike por eventet nuk duhet të mbahen në numra të mëdha”, tha kryebashkiaku Edoardo Paes në përgjigje të gazetarëve. Pas dy vitesh maskash, distancimesh e vaksina, vallëzimet e orkestrat rimorën kontrollin e stadiumit të paradave 'Sambadrome' në Rio de Janeiro . Arena është kthyer në simbolin e festimeve të karnivalit prej viteve 1980-të teksa gjatë kohës së izolimit ishte kthyer në qendrës strehimi për të pastrehët. “Jam shumë e lumtur, shumë njerëz do të qajnë ...përfshi edhe unë”, tha Ana Vieira,mësuese gjeografie 48-vjeçare që merr pjesë prej 20 vjetësh në karnival. “Karnivalet janë jeta jonë. Mund të shikosh lumturinë në fytyrat e njerëzve pas dy vjet izolimi”, shtoi ajo për rrjetin AFP.