Të paktën 16 njerëz janë vrarë dhe 13 u plagosën kur një kamion që zbriste në rrugë të largët malore në Indonezi ra në një humnerë. "Trupat ishin përhapur dhe ishim të detyruar t’i mblidhnim në vende të ndryshme”, tha një anëtar i grupeve të shpëtimit. Kamioni i tragjedisë mbante 28 pasagjerë dhe shoferin, kur humbu kontrollin dhe u përplas në rrugën e malit Arfak , tha policia. Grupet e shpëtimit kishin ardhur në vendin e largët dy orë pas marrjes së njoftimit, kur gjetën trupat e përhapur në rrugë. Një fëmijë ishte mes të vrarëve ndërsa 13 po merrnin trajtim në spitalin vendas, thanë autoritetet. Aksidente të rënda kanë ndodhur shpesh në vendin arqipelag me 270 milionë banorë, ku automjetet janë shpesh të vjetra dhe rregullat e qarkullimit nuk zbatohen. Në shkurt 13 njerez humbën jetën dhe dhjetra të tjerë u plagosën kur një autobuz turistësh u përplas në ishullin Xhava. Pamje: AFP