Në Arveiler, qyteza e Gjermanisë Perëndimore e shkatërruar nga përmbytjet, banorët pastronin sot shtëpitë e tyre duke zbuluar masën e vërtetë të katastrofës. Perëndimi i vendit u përmbyt nga uji thuajse për dy ditë të plota, teksa rrymat morën me vete pemë, makina, ura e shtëpi. Ndoshta lajmi më i mirë për shumë vetë është parashikimi i motit, sipas te cilit nuk priten reshje të forta dhe rreziku për fryrjen e lumenjve duket se për momentin është shmangur. Sidoqoftë rreziku për përmbytje nuk është larguar, veçanërisht në jug dhe lindje të Bavarisë, sepse nga reshjet e shiut të ditëve të fundit po rritet gradualisht niveli i përrenjve dhe i lumenjve. Policia njoftoi gjithashtu se ka arritur të kontaktojë përmes telefonit me më shumë se 700 vetë që konsideroheshin të zhdukur prej katastrofës në Nordrein-Vestfalen.