Qytetarë të Enerhodar në juglindje të Ukrainës shiheshin sot të bllokonin hyrjen e qytetit ndaj trupave ruse, me kamionë, barrikada dhe mburoja njerëzore. Qyteti mban impjantin energjitik bërthamor Zaporizhia, një nga më të mëdhenjtë në Evropë, punonjësit e të cilit i janë bashkuar bllokadës. Një nga punopnjësit e impjantit që nuk preferonte të identifikohej, tha për rrjetin AFP: "Ne besojmë se shteti është me ne. Infrastruktura si impjanti i Zaporizhia nuk duhet t’i dorëzohen forcave të huaja. " Punonjësi shtonte më tej: "Jam i mrekulluar me rezistencën dhe heroizmin e rezidentëve tanë, disa prej të cilave kanë dalë para armikut edhe pa armë”. Ai shtoi se edhe banorët e qytetit po realizojnë një qëndresë heroike duke krijuar një “zinxhir njerëzor” një kilometër të gjatë për të ndaluar hyrjen e pajisjeve të armikut në qytet.