Gati 1700 punonjës të policisë është llogaritur që të angazhohen në planin e masave të Policisë së Shtetit për të garantuar mbarëvajtjen e protestës të thirrur nga opozita menjëherë mbas dënimit të deputetit Ervin Salianji.Sic njofton policia e shtetit pwrvec policisë së kryeqytetit, do të jenë të angazhuara edhe forca nga policitë locale, forcat e ndërhyrjes së shpejtë, forcat speciale, automjetet ujëhedhëse dhe garda e republikës. Në një njoftim të shpë rndarë pë rmes zyrë s së shtypit Policia e Shtetit tregoi akset rrugore që ka planifikuar të bllokojë dhe që do jenë të pakalueshme nga ora 18 kur nis protesta e të hënës datë 7 tetor dhe derisa ajo të përfundojë. Janë gjithsej 15 rrugë ku qarkullimi I automjeteve do të jetë I ndaluar e midis tyre të gjitha akset dytë sore që lidhen me bulevardin kryesor. Por në hartën e rrugëve të pakalueshme pë r automjetet do të jenë edhe rrethrrotullimi I Zogut të Zi, kryqezimi I ish stacionit të trenit, rruga Dritan Hoxha në Laprakë, kryqezimi I pallatit me Shigjeta dhe kryqëzimi I 21 dhjetorit deri tek shkolla Sabaudin Gabrani. Policia zyrtarisht thotë se kërkon mirëkuptimin e qytetarëve që të shmangin lëvizjen me automjete në këto rrugë për të mos penguar lëvizjen e lirë të pjesëmarrësve në tubim. Por nga ana tjetër Policia e Shtetit apelon për të gjithë ata që do të marrin pjesë në protestë , që të distancohen nga çdo akt që cënon sigurinë publike dhe jetën dhe çdo akt dhune ndaj institucioneve shtetërore, pronës publike e private, ndaj punonjësve të Policisë, përfaqësuesve të mediave dhe qytetarëve. Opozita I parapriu gjatë javës protestës me dy aksione të ndërmarra nga deputetët , njëra prej tyre ishte djegia e karrigeve në oborrin e parlamentit dhe e dyta ndodhi të enjten me bllokimin e deputetëve socialistë në seancën e përjavshme plenare. Në të njëjtën ditë në hyrje të parlamentit ju vu flaka katër manikënëve .