Policia greke përdori gaz lotsjellës e pompa uji me presion për të shpërndarë turmat e protestuesve në Athinë, pas propozimit të qeverisë për vaksina të detyrueshme kundër COVID-19, në të gjitha sektorët e administratës që punojnë me publikun. Në propozimin e vaksinave të detyruara përfshiheshin dhe stafi i shtëpive për të moshuarit. Ligji parashikon që punonjësit të pezullohen pa u paguar nëse prej mesit të gushtit nuk pranojnë rregullin. Por rreth 2000 protestuesit para parlamentit lëshuan fishekzjarre dhe objekte të tjera ndaj oficerëve për të demonstruar opozicionin ndaj planeve. Pjesëmarrësit mbanin flamurin grek dhe tentuan të thyenin kordonin e policisë, kur dhe u goditën me gaz lotsjellës. Mijëra të tjerë u mblodhën me të njëjtin motivim në qytetin e dytë më të madh të Greqisë, Selanik, në demonstratën që vjen pas protestës gjigande anti-vaksinime të 16 korrikut atje. Në Greqi janë vaksinuar me dy doza rreth 45 përqind e popullsisë, ndersa dje në vend u regjistruan 3,000 rate të reja infektimesh.