Në pamje shihet presidenti amerikan Joe Biden që del nga Villa La Grange në Gjenevë pas samitit me homologun e tij rus Vladimir Putin. Presidenti amerikan u takua me Putin për herë të parë që prej ardhjes në zyrë në janar. Te dy ata e quajten pozitive bisedën mes tyre, duke thënë se kishin “shënuar progres” në temat më të nxehta mes dy vendeve si konflikti në Lindje të Ukrainës, burgosja e opozitarit të Kremlinit, Alexei Navalny, e së fundmi dhe mbështetja e Rusisë për autokratin anti-perëndimor të Bjellorusisë, Alexander Lukashenko. Më herët Biden kishte listuar gjashtë kompani ruse për pjesëmarrje në "tentativat qeveritare për të influencuar zgjedhjet presidenciale të 2020 në SHBA si dhe akte të tjera dezinformimi”. Ndërsa Putin ka bërë thirrje që Rusia e SHBA të punojnë së bashku për të luftuar sulmet kibernetike duke thënë: “Ne shpresojmë që të krijojmë këtë proces në bashkëpunim me miqtë tanë amerikanë”, tha ai.