Korrespondenti i Fox Neës, Benjamin Hall, është plagosur ndërsa raportonte pranë Kievit. Fox Neës thotë se gazetari ishte vendosur javët e fundit për të raportuar luftën në Ukrainë. "Kemi pak detaje tani por Ben është shtruar në spital dhe ekipet tona në terren po punojnë për të mbledhur informacion," tha shefja ekzekutive e Fox Neës Suzanne Scott për punonjësit. "Siguria e të gjithë ekipit tonë të gazetarëve në Ukrainë dhe rajonet përreth është prioriteti ynë kryesor. Kjo ngjarje shërben për të kujtuar se të gjithë gazetarët po vënë jetën e tyre në rrezik çdo ditë për të dhënë lajme nga një zonë lufte." Lëndimi i Hall vjen një ditë pasi Brent Renaud, një gazetar amerikan injohur, u vra në qytetin ukrainas të Irpin. Andriy Nebitov, kreu i policisë së rajonit të Kievit, tha se forcat ruse qëlluan Renaud, duke shtuar se "okupatorët vrasin në mënyrë cinike edhe gazetarë të mediave ndërkombëtare, të cilët janë përpjekur të tregojnë të vërtetën për mizoritë e ushtrisë ruse në Ukrainë". Një fotoreportor tjetër, Juan Arredondo, u plagos gjithashtu në Ukrainë të dielën, teksa shoqëronte Brent renaud. Organizata të shumta mediatike kanë denoncuar dhunën me të cilën po përballen gazetarët gjatë mbulimit të luftës.