Bavarësisht përpjekjeve franko-gjermane për ndërmjetësim, mosmarrëveshja juridike me Poloninë mbeti e pazgjidhur në samitin e BE-se. Kreu i qeverisë polake, Mateusz Morawiecki u mbrojt kundër "shantazhit", që po bën sipas tij blloku europian. KE-ja do të mbajë për momentin të bllokuara ndihmat miliardëshe që ishin përcaktuar për Poloninë, si ndihmë për rimëkëmbjen e ekonomisë pas pandemisë. Në samit vende si Belgjika, Holanda e Austria ushtruan presion ndaj qeverisë polake që të tërheqë reformat e kontestuara të drejtësisë. Kancelarja Angela Merkel, thote DW, që mori pjesë ndoshta në samitin e fundit të saj në bllokun europian nëse qeveria gjermane krijohet në dhjetor, u shpreh për dialog me Poloninë dhe ashtu si presidenti Macron zhvilloi takime bilaterale me kryeministrin polak. Edhe njëherë Merkel duhej të dilte në rolin e saj si shpëtimtare e krizave europiane, në këtë rast me Poloninë. "Shteti ligjor mbetet bërthama bazë e BE", tha Merkel në fillim në samitit, prandaj duhet të gjejmë rrugë që të kalojnë në një zgjidhje, tha ajo. Por kryeministri holandez, Mark Rutte kërkoi që BE "të mbetet e ashpër" kundrejt Varshavës. "Vija e kuqe është tejkaluar", u shpreh dhe kryeministri belg, Alexander de Croo në lidhje me vendimin e kontestuar të Gjykatës Kushtetuese polake, që i kishte deklaruar pjesë të së drejtës së BE si jo në pajtim me të drejtën polake. Zgjidhje nuk pati në ditën e parë të samitit, por debati është një hap në drejtim të zgjidhjes, deklaruan diplomnate europiane.