përmbytje të pazakonta ndodhën në afganistan ku të paktën 18 persona humbën jetën dhe të tjerë u plagosën. Shtëpi të dëmtuara dhe vërshime mbetjesh ndodhën në Badis, në Afganistan, pas stuhive e përmbytjeve të papritura. Afganët janë çdo vit të dëmtuar nga shirat e fuqishëm, veçanërisht në zonat rurale ku shtëpitë e ndërtuara pa standarde janë në rrezik shembjeje. Ministri i emergjencave tha se vërshimet e fundit sollën shkatërrim në provincat Fariab e Parvan. Ai tha se "18 deri në 20 persona kanë humbur jetën në 10 provinca" në të cilat rreth 100 shtëpi janë dëmtuar ose shkatërruar. Grupe ndihme janë dërguar në zonat e prekura për të shpërndarë tenda dhe ushqime, si dhe shpërblim në para për viktimat, thanë autoritetet. Rrjeti AFP shkruan se prej ardhjes në pushtet të Talibanëve në gusht ndihmat e huaja dhe skemat e ndihmës së katastrofave, janë reduktuar ndjeshëm. Përveç motit të paparashikueshëm, këtë vit vendi është goditur dhe nga shpërthime militante kundër udhëheqësve talibanë, ku jane vrare dhjetra te pafajshem.