Rusia ka investuar fort për modernizimin e njësisë vetëlëvizëse të artilerisë të periudhës sovjektike, 2S7M Malka duke e pajisur me sisteme më të fuqishme lëshimi. Ato kanë tyta dhe predha 203 mm, në një kohë kur parametrat e sistemeve normale janë 155 mm. version i përmirësuar i 275M Malka nisi të mbërrijë prillin e 2020, i punuar mbi avansimet e mëparshme që ky mjet i fuqishëm luftarak kishte pësuar në vitet 1980. Në ndërhyrjet e fundit, u zëvëndesuan plotësisht të gjithë përbërësit e prodhimit ukrainas, ndërsa u përmirësuan ndjeshëm karakteristikat e lëshimit dhe ato të manovrimit. Sistemi Malka bazohet veçanërisht në shasinë e T-80 – tanku më i rëndë i betejës i Bashkimit Sovjetik – por një pjesë e mirë e infrastrukturës dhe një nga linjat kryesore të prodhimit T-80, ishin të vendosura në Ukrainë, cka i detyroi rusët të investonin shumë për të arritur ta prodhonin krejtësisht brenda vendit. Tani këtë sistem po përgatiten ta kenë të gatshëm për vijën e frontit. Tensionet mes Rusise dhe Natos janë ashpërsuar këto kohë. Pas grumbullimit gjigand ushtarak të trupave ruse ne kufirin me Ukrainën, alenca nisi një sërë stërvitjesh ushtarake ne Europë e deri në rajonin e Detit të Zi. Lojrat e luftës, të pagezuara si Steadfast Defender 2021, kërkuan të dëshmojnë reagimin e organizates ushtarake 30 kombëshe ndaj sulmit ndaj secili anëtar të saj. Stërvitje të tilla, sidomos ato që i afrohen kufijve të saj, Rusia i sheh me shqetësim e nuk humbet rastin të demonstrojë edhe forcën e vet.