Top Channel/ Pelegrinazhi në ‘Tomorr’, Baba Mondi: I lutemi zotit të luftojë sëmundjet që kanë rënë

Pelegrinazhi që ka nisur në datën 18 gusht do të vazhdojë deri në datën 25 gusht në Malin e Tomorrit. Një mesazh në këtë ditë të shenjtë e dha edhe Kryegjyshi Botëror i Bektashinjve, Haxhi Dede Edmond Brahimaj, i cili u lut që njerëzve t’i largohen të këqijat dhe t’u afrohen të mirat dhe të luftojnë këto sëmundje të rënda që i kanë rënë njerëzimit. “Po bëjmë këto ditë të shenjta për Abaz Alinë, ku i lutemi zotit për mirësinë, për dashurinë, për të na larguar të këqijat dhe për të na afruar të mirat dhe të luftojë këto sëmundje të rënda që i kanë rënë njerëzimit. Këta shenjtorë ne i lutemi, i bëhemi kurban, për të mirët tona për të jetuar në këto ditë të vështira dhe për t’i përballuar me shëndet të plotë. Njerëzit vijnë, marrin bekime, shkarkohen nga energjitë negative dhe venë plot gaz dhe hare në shtëpitë e tyre për të përballuar këtë jetë të përkohshme”, tha Baba Mondi.