65 shimpanze janë lëshuar të jetojnë të lirë në ishujt e pabanuar të lumit në jug të kryeqytetit të Liberisë. 65 prej tyre kanë mbijetuar nga një grup prej rreth 400 kafshësh, pas një testimi të një projekti kërkimor të financiuar nga SHBA. Kujdestarët e tyre përgatisin çdo mëngjes rreth 200 kilogram ushqim dhe rreth gjysmën e kësaj sasie në mbrëmje, çka arrin në 10 ton në muaj. Testimet ndaj shimpanzeve në Liberi nisën në vitin 1974, kur qendra ‘Neë York Blood Center’ financoi kërkimet mjekësore ndaj disa sëmundjeve. Gjatë luftës civile shkatërrimtare në Liberi në vitet 1989-2003 shimpanzetë thuajse ngordhën urie. Për arsye të paqarta financimet e qendrës së eksperimenteve u ndërprenë në 2015 dhe kafshët u braktisën pa asnjë mbështetje. Aktivistë të mbrojtjes së kafshëve protestuan para selisë së testimeve ne Neë York mes të cilëve dhe aktorë të njohur që në një peticion kërkuan rinisjen e financimeve. Ata thonë se do të kujdesen derisa të gjitha kafshet të arrijnë fundin e jetës, që llogariet deri në 50 vjet. Mes tyre përfshihen një numër i vogël të vegjëlish, për të cilët veterinerët thonë se do të sterilizohen për të parandaluar të tjera lindje.