Një nga të mbijetuarit e masakrës më të rëndë të Norvegjisë pas Luftës së Dytë Botërore foli sot kundër urrejtjes që motivoi ekstremistin e djathtë Anders Behring Breivik në vrasjet masive të 10 vjetëve më parë, që shokuan opinionin botëror. Breivik u bë një nga vrasësit masivë më famëkeqë në botë, kur më 22 korrik 2012 kreu i vetëm dy sulme vrasjesh masive. Fillimisht ai vendosi bombë në një ndërtesë qeveritare në kryeqytetin Oslo, e cila ishte në fakt vetëm një largim i vëmendjes. Pastaj ai udhëtoi në kampin e pushimit të partisë laburiste në pushtet në ishullin Utoya, ku vrau me armë zjarri 77 viktima, shumica adoleshentë. Breivik, i cili ka ndryshuar emrin në Fjotolf Hansen, jeton tashme në një “qeli” me tre dhoma në burg, një për të fjetur, një për të studiuar dhe një për të bërë stërvitje fizike.