Zvicra nisi lehtësimin e masave kundër koronavirusit, pavarësisht faktit që numri i të infektuarve atje është në rritje. Baret dhe restorantet do të mund t’i rihapin ambjentet e tyre jashtë, ndërsa palestrat dhe kinematë mund të rifillojnë punën për aq kohë sa i respektojnë masat e sigurisë. Do të rikthehet po kështu dhe mësimi në disa universitete. Një lëvizje e tillë e bën Zvicrën vendin e vetëm në Europë për vendos zbutjen e kufizimeve në një kohë kur rastet e koronavirusit i ka në rritje. Ekzekutivi justifikohet duke thënë se një hap i tillë mund të justifikohet me faktin që numri i infektimeve po shtohet ngadalë por procesi i vaksinimit po përshpejtohet dhe spitalet nuk janë të mbingarkuara. Zvicra me 8.5 milionë banorë, ka regjistruar mbi 632,000 infektime me Covid 19 dhe më shumë se 10.500 vdekje. Për të parën herë në dy muaj, Portugalia hapi sakaq qendrat tregtare, nxënësit u kthyen në klasa e kafenetë dhe restorantet mund të shërbejnë konsumatorët ne ambjente të hapura. Vetëm përpara dy muajsh, Portugalia renditej mes vendeve më të goditura nga pandemia në Europë. Belgjika po ashtu njoftoi se do të rinisë shërbimin e gastronomisë në ambjentet jashtë, e shumë shpjet, lehtësime kufizimesh priten edhe në Suedi e Danimarkë.