Artisti danez Kurt Westergaard, njeriu që me karikaturat e tij të profetit Muhamed ngriti në këmbë botën myslimane, ndërroi jetë në moshën 86 vjecare. Të afërmit thanë se vdiq në gjumë, pasi kishte qenë i sëmurë prej disa kohësh. Westergaard qëndron pas 12 karikaturave të publikuara nga e përditëshmja konservatore Jyllands-Posten me titullin “Fytyra e Muhamedit”, njëra prej të cilave shkaktoi zemërim në mënyrë të vecantë pasi e paraqeste profetin me një callmë në kokë në formë bombe. Mjaftoi ky vizatim për të mbjelle trazira të mëdha në botën islame në 2005-sën. Ai do të behej shkas edhe për masakrën ndaj revistës franceze Charlie Hebdo, ndërsa vetë karikaturisti u mor në mbrojtje nga shteti danez e vazhdimisht, i mbërrinin kërcënime për vrasje. Ndonese i shpëtoi për fije sulmit të një fanatiku, ky ateist i bindur nuk u thye e nuk ndryshoi kurrë mendim, ndërsa vazhdoi të angazhohej, sic thoshte, për lirine e shtypit. Feja islame e ndalon rreptësisht riprodhimin e imazhit të profetit Muhamed.