Kombinati metalurgjik i Azovstal në Mariupol u kap nga rusët muajin që shkoi por është kthyer në simbol të rezistencës së Ukrainës. Gjithçka mbetet nga impjanti tashmë është një rrjet metalesh të shtrembëruara beton i copëtuar. Sot grupe gazetarësh peëndimorë u lejuan ta vizitonin në mbikqyrjen e oficerëve rusë. Pamjet tregonin impjantin famëkeq që u rrethua nga forcat ruse pas bllokimit të tuneleve të tij të gjera nëntokësore nga ushtarë e civilë të Ukrainës. Në imazhe shihen tela rrobash të improvizuar, memoriale për të vdekurit dhe “krevate” të krijuar me paleta druri ku jetonin të bllokuarit në metalurgjikun në lindje të Ukrainës. Në imazhe shihet dhomat e pista në tunelet e impjantit ku jetonin ushtarët e Ukrainës dhe bashkëpunëtorët e tyre, shumica e të cilëve kanë vdekur. Rreth 2000 prej tyre raportohet se janë në Rusi duke u marrë në pyetje nga forcat e Putin. Kompleksi masiv në qytetin port të detit Azov në zemër të rajonit të Donbas ka qenë një nga epiqendrat e luftimeve të konfliktit. Në rrethimin e Mariupol, llogaritet se janë vrarë 6,000 ukrainas e 4,000 rusë, nisur prej fillimit të pushtimit të vendit në fund të shkurtit. Pamjet: AFP