Nasa testoi me sukses fluturimin e një helikopteri të vogël në Mars, hera e parë kjo që synohej kontrolli I një mjeti të tillë nga një tjetër planet. Gjithcka shkoi sipas planit; “Ingenuity” një helikopter me peshë 1,8 kilogram, zbriti ngadalë deri në tre metra lartësi mbi sipërfaqen e planetit të kuq, pastaj u rrotullua përpara se të ulej lehtë mbi katër këmbët e tij. edhe pse helikopteri qëndroi në ajër më pak se një minutë, kjo ishte per t`u gëzuar në komandën e agjensisë amerikane të hapësirës, pasi fluturimi i provës u arrit të kryhej në një distancë të pabesueshme, prej 173 million miljesh larg Tokës. Mjeti u ul në basenin e gjerë marsian të njohur si krateri Jezero. “ Momenti që e prisnim prej kaq kohësh, erdhi”, tha menaxherja e projektit, Ingenuity, MiMi Aung. Roboti I vogël u dërgua në Mars me roverin Perseverancë, që zbriti atje në 18 shkurt pas një udhëtimit thuajse 7 mujor në hapësirë. Imazhet dhe videot e fluturimit sigurohen pikërisht nga kamerat e montuara tek vetë helikopteri por edhe tek Perseverance, që u vendos 76 metra larg.