Dhjetra muslimanë Sufi në pjesën indiane të Kashmir morën pjesë në ceremoninë e pishtarëve në tempullin e shpellës, për të shënuar Vitin e Ri vendas. Festivali disa-shekullor i quajtur ‘Zool’ shënon nisjen e aktiviteteve bujqësore në Kashmir. Muslimanët Sufi mbajtën pishtarët në duar dhe u luten para shpellës tempull në Anantag, qytet në jug të pjesës indiane të Kashmir. Ata celebrojnë shenjtorin Sufi të shekullit të 15-të duke u ngjitur për dy kilometra në shpellën tempull, në nder të tij. Pishtarët e tyre bëhen zakonisht me dhjamë të sezonit të kaluar, ndërsa ata që nuk ngjisin dot kodrën, ndezin qirinj në shtëpitë e tyre. Sipas legjendës, një princ luftëtar Hindu sëmurej shpesh kur ishte i ri, dhe nëna e solli të shenjtori Sufi pasi e kishte parë në ëndërr. Princi u shërua dhe si shpërblim nëna e la djalin në shërbim të tij. Princi më pas kishte pranuar fenë islame dhe meditonte në shpellë sipas urdhrave hyjnorë që merrte. Një tjetër legjendë thotë se në majë të kodrës princi kishte mundur një demon që vriste fshatarët, duke i çliruar ata nga mallkimi.