Presidenti amerikan Donald Trump ka paralajmëruar se Shtetet e Bashkuara mund të ndërmarrin sulme të reja ndaj Iranit, duke përmendur edhe mundësinë e goditjes së infrastrukturës kritike të vendit. Deklaratat e tij u bënë gjatë një takimi me presidentin ukrainas Volodymyr Zelensky, në kuadër të samitit të NATO-s. Trump tha se një sulm i mundshëm mund të jetë i madh dhe mund të shkaktojë dëme të konsiderueshme. “Do të jetë një sulm i madh dhe do të nxjerrë jashtë funksionit shumë gjëra”, deklaroi presidenti amerikan. Trump përmendi si objektiva të mundshëm centralet elektrike të Iranit, duke thënë se ato mund të goditen nëse situata do ta kërkojë. Ai foli gjithashtu për impiantet, të cilat janë shumë të rëndësishme për furnizimin me ujë të pijshëm të popullsisë. Sipas tij, këto objekte do të preken vetëm nëse do të konsiderohet e nevojshme.