Ka humbur jetën personi i parë në botë që iu transplantua zemra nga një derr i modifikuar gjenetikisht. David Bennett, i cili vuante nga një sëmundje e rëndë lidhur me zemrën, mbijetoi për vetëm dy muaj pas operacionit në SHBA. Por gjendja e tij filloi të përkeqësohej disa ditë më parë, thanë mjekët e tij në Baltimore dhe 57-vjeçari vdiq më 8 mars. Benett iu nënshtrua operacionit më 7 janar dhe mjekët thonë se në javët më pas ai kaloi kohë me familjen e tij, pa shfaqjen e Super Boël dhe foli për dëshirën për të shkuar në shtëpi te qeni i tij, Lucky. Por gjendja e tij u përkeqësua dhe mjekët nuk mund të bënin më asgje. Mundësia e përdorimit të organeve të kafshëve dhe përdorimi i valvulave të zemrës së derrit është tashmë i zakonshëm. Në tetor 2021, kirurgët në Nju Jork njoftuan se kishin transplantuar me sukses veshkën e një derri te një person. Në atë kohë, operacioni ishte eksperimenti më i avancuar.