“Migrimi i Madh: Trupat në Tranzit” është shfaqja e koreografit Blenard Azizaj që trajton migrimin e madh. Në kuadër të Javës së Evropës, shfaqja që i qaset trupit si një arkivë zhvendosjeje, kujtese dhe mbijetese, u dha premierë për publikun në ambientet e HangArt Kinostudio Azizaj, bashkë me artisten Elena Cattardico, nën muzikën live të kompozitorit Tomor Kuçi, mishëruan kujtimet e imagjinuara dhe kolektive të migrimit, duke negociuar afërsinë, kujdesin dhe qëndrueshmërinë. Blenard Azizaj – Lëvizjet që bëj në skenë lidhen me vështirësitë, ka momente që ne ikim nga diçka, ka momente që jemi duke luftuar me njëri-tjetrin apo me vetveten, por edhe me kultura dhe vende të ndryshme. Janë gjëra që i kam përjetuar vetë. Përmes gjuhës së artit, ky vallëzim skenik reflekton brishtësinë dhe qëndrueshmërinë njerëzore.