Kancelari gjerman Friedrich Merz ka konfirmuar se SHBA-ja, të paktën për momentin, nuk do të stacionojnë raketat “Tomahaëk” në Gjermani, ” sic kishte premtuar presidenti i mëparshëm amerikan Joe Biden në vitin 2024,. Në një intervistë për ARD, ai shpjegoi se “amerikanët aktualisht nuk kanë mjaftueshëm raketa” dhe se procesi “nuk ka përfunduar”. Këto raketa, me rreze të mesme veprimi që mund të arrijnë deri në Rusi, ishin parashikuar për të forcuar aftësinë parandaluese të Gjermanisë derisa Europa të zhvillojë raketat e veta. Merz theksoi gjithashtu se angazhimi bërthamor i SHBA-së në Gjermani mbetet i plotë: “Nuk ka asnjë kufizim të parandalimit bërthamor të territorit të NATO-s”. Ai komentoi edhe vendimin e Trumpit për tërheqjen e mbi 5.000 ushtarëve amerikanë, duke e quajtur këtë një veprim të parashikuar dhe jo “të ri”. Në lidhje me kritikat e tij ndaj strategjisë amerikane për Iranin, kancelari theksoi se ato nuk lidhen me njoftimet e Trumpit. Ai ritheksoi qëndrimin e tij se Irani ka “poshtëruar” SHBA-në, një deklaratë kjo që irritoi presidentin në rrjetin social Truth Social. Megjithatë, Merz nënvizoi se nuk tërhiqet nga marrëdhëniet transatlantike: “Nuk heq dorë nga bashkëpunimi me Donald Trump,” duke shtuar se ndryshimi i pikëpamjeve nuk ndikon mbi bindjen e tij se amerikanët mbeten partnerët më të rëndësishëm të Gjermanisë në NATO.